Julie Nash
Ar ol graddio, penderfynnodd Julie aros yng Nghymru ar gyfer hyfforddiant pellach gan ei bod hi wedi mwynhau byw yng Nghaerdydd yn arw ac wedi gwneud nifer o ffrindiau yma yn ystod ei amser fel myfyriwr. Roedd Julie yn gweld Caerdydd fel lleoliad delfrydol i fyw fel oedolyn ifanc, gan ei bod hi’n brifddinas fywiog sy’n cynnal nifer o ddigwyddiadau a pherfformiadau, ond hefyd mae hi ddigon agos i ddianc tuag at olygfeydd deniadol y Bannau Brycheiniog a’r ardaloedd arfordirol cyfagos. Mae yno nifer o weithgareddau i gymryd rhan ynddynt a nifer o lefydd i archwilio ar benwythnosau rhydd. Dim ond wedi dechrau fforio Cymru mae Julie a dyma pam mae hi a’i phartner wedi penderfynu setlo yma.”
Mae hi'n esbonio:
“Mae ymdeimlad gwych o gymuned ac awydd i helpu ei gilydd wrth weithio yn Ne Cymru, yn enwedig yn y trefi a'r pentrefi llai. Ar adegau, gall deimlo fel petai bawb yn adnabod ei gilydd, yn enwedig o fewn y maes deintyddol. Fodd bynnag, rwyf bob amser wedi gwerthfawrogi hyn gan ei fod wedi rhoi rhwydwaith cefnogol i mi o bobl sydd â setiau amrywiol o sgiliau, profiad, a gwybodaeth. Un o'r ffyrdd gorau i gyfarfod eraill o fewn y proffesiwn yw drwy gynadleddau lleol a chyfleoedd dysgu a gynhelir yng Nghymru bob blwyddyn. Mae'r rhain nid yn unig yn ddyddiau hwyliog a chofiadwy gydag unigolion o'r un anian ond hefyd yn gyfleoedd i geisio cymorth tuag at ddatblygiad proffesiynol a dilyniant gyrfa.
"Gwn fy mod yn ffodus iawn fy mod wedi dod o hyd i yrfa rwy'n ei charu ac yn dod o hyd i foddhad dros ben. Un o fy hoff rannau o fy swydd yn y Gwasanaeth Deintyddol Cymunedol (CDS) yw trin y rhai sydd â gorbryder deintyddol ac anghenion ychwanegol. Mae gallu bod yn rhan o daith claf wrth oresgyn ei ofnau a gweld pa mor bell maen nhw'n dod yn anhygoel o dwymo'r galon. Does dim byd yn curo'r teimlad o wybod eich bod yn gwneud gwahaniaeth go iawn i fywydau pobl. Rwyf hefyd yn ffodus i gael gweithio ochr yn ochr â thîm anhygoel gyda'r nod ar y cyd o wella iechyd deintyddol yng Nghymru a gwneud taith ddeintyddol ein cleifion yn un dymunol. Ar ben hynny, mae cael cefnogaeth yn y gwaith gan y rhai sydd wedi profi llwybrau hyfforddi tebyg wedi fy helpu'n sylweddol. Mae yna adegau pan mae angen cyngor neu anogaeth gan gyfoedion ac felly rydyn ni'n lwcus o gael rhwydweithiau deintyddol croesawgar a chefnogol o fewn Cymru.
"Y tu allan i waith bob dydd, rwy'n angerddol am ledaenu ymwybyddiaeth a dealltwriaeth am anhwylder cydsymud datblygiadol (DCD), a elwir yn dyspracsia, o fewn y gymunedddeintyddol. Ar hyn o bryd rwyf wedi ysgrifennu un papur ac yn gobeithio cyhoeddi un arall ar y pwnc. Yn anffodus, camddeallir y cyflwr yn aml er y credir bod gan tua 5-15% o unigolion DCD.
"Yn ystod fy nghyfnod tu allan i ddeintyddiaeth, dwi wrth fy modd yn bwyta allan gyda ffrindiau mewn bwytai hyfryd a mynd am dro yn Eryri a’r Bannau Brycheiniog. Un o fy hoff lefydd i gerdded yw’r Mynydd Sugar Loaf; mae'n un o'r teithiau cerdded cyntaf wnes i gyda fy mhartner. Mae yna hefyd lawer o safleoedd hanesyddol i'w harchwilio gan gynnwys llawer o gestyll hardd yr ydym yn eu ticio'n araf fesul un. Mae llawer o gyngherddau'n digwydd yng Nghaerdydd hefyd, sy'n gwneud am nosweithiau allan difyr gyda ffrindiau a theulu. Hanner Marathon Caerdydd oedd un o ddiwrnodau gorau fy mywyd, sydd efallai'n ymddangos yn rhyfedd i rai, ond roedd yr awyrgylch yn anhygoel a ddim yn un i'w anghofio. Fyddwch chi byth yn ddiffygiol mewn rhywbeth hwyliog a chyffrous i'w wneud!”