Yng Nghymru, mae trawsnewid addysg a datblygiad fferyllol wedi hen ddechrau. Rydym yn arwain y ffordd mewn ymateb i ddiwygiadau mawr y Cyngor Fferyllol Cyffredinol (GPhC), gyda modelau datblygu nodedig, gyda sicrwydd ansawdd ar gyfer fferyllwyr dan hyfforddiant, fferyllwyr sylfaen ôl-gofrestru, uwch ymarferwyr ac ymarferwyr ymgynghorol.
Mae ein rhaglenni wedi’u cynllunio i fodloni disgwyliadau cynyddol graddedigion ac anghenion hirdymor GIG Cymru. Mae’r model amlsector unigryw yn cyfrannu at ddatblygu gweithlu fferylliaeth hyblyg, gyda’r sgiliau a’r cymhwysedd, i ddefnyddio eu harbenigedd meddyginiaethau gwerthfawr yn gynyddol, yn yr ystod lawn o leoliadau gofal iechyd a chyflawni gweledigaeth Cymru Iachach.
“Gan mai Cymru oedd y wlad gyntaf i gynnig rhaglen hyfforddiant sylfaen amlsector i fferyllwyr dan hyfforddiant, dychwelais i Gymru i ddechrau fy ngyrfa.”
Sam, Fferyllydd Ysbyty
Yng Nghymru, mae ein rhaglen aml-sector unigryw yn darparu dau leoliad hyfforddi chwe mis i chi mewn fferylliaeth ysbyty, cymunedol, Practis Cyffredinol, carchar neu iechyd meddwl. Byddwch chi'n datblygu'r sgiliau, y profiad a'r hyder i weithio yn yr amgylchedd o'ch dewis ar ôl cofrestru. Yn ogystal, bydd fferyllwyr dan hyfforddiant yn cwblhau eu cwricwlwm Rhagnodi Annibynnol o dan oruchwyliaeth Ymarferydd Rhagnodi Dynodedig yng nghylchdro dau.
Ble bynnag y byddwch yn hyfforddi yng Nghymru, bydd gennych un cyflogwr am gyfnod eich rhaglen hyfforddi. Mae hyn yn golygu mai dim ond un contract y bydd angen i chi ei lofnodi ar gyfer eich rhaglen hyfforddi a chael profiad pontio di-dor rhwng swyddi. Byddwch hefyd yn cael atebion cyflym a chyson i’ch ymholiadau, llai o gymhlethdod gyda’r Dreth a’r Yswiriant Gwladol a dalwch, a byddwch yn gallu manteisio ar gynllun Aberthu Cyflog y GIG a phecynnau Buddion Cyflogeion eraill sydd ar gael i weithwyr GIG Cymru.
Fel hyfforddai yng Nghymru, bydd eich profiad wedi’i gydlynu’n dda a bydd eich cynnydd yn cael ei fesur yn wrthrychol. Byddwch yn elwa o gael goruchwyliwr dynodedig ym mhob sector ymarfer, a fydd yn rhannu eu gwybodaeth, eu profiad a’u harbenigedd mewn amgylchedd cyfeillgar a gwerth chweil.
Fel rhan o garfan o dros 100 o fferyllwyr dan hyfforddiant, mae gan Gymru grŵp cyfoedion gweithgar a bywiog. Byddwch yn dod i adnabod eich timau ar draws y gwahanol sectorau ymarfer yn ogystal â’ch cyfoedion yn eich sesiynau hyfforddi oddi ar y safle - gan ddarparu cyfleoedd ar gyfer dysgu, rhwydweithio a chymdeithasu.
Mae Cymru’n cynnig dewis rhagorol o gyfleoedd hyfforddi sefydledig, o ansawdd, wedi’u strwythuro’n dda ac yn berthnasol. Byddwch hefyd yn cael cymorth gyrfa, hyd at ac ar ôl i chi gofrestru fel gweithiwr fferyllol proffesiynol, oherwydd yng Nghymru, rydym yn gwerthfawrogi eich datblygiad proffesiynol parhaus (DPP) cymaint â chi.
Yng Nghymru, mae pob fferyllydd dan hyfforddiant yn cwblhau Achrediad Gwasanaethau Clinigol Cenedlaethol (NCSA) fel rhan o’u hyfforddiant, sy’n golygu y gallwch ddarparu’r holl wasanaethau clinigol cenedlaethol, os byddwch yn dewis trosglwyddo’n uniongyrchol i ymarfer cymunedol.
Ar ôl i chi gymhwyso, mae cyfleoedd trwy gyflogwyr lleol i ymgymryd â'n 'Model Cymorth' Fferyllydd Sylfaen Ôl-gofrestru a ariennir yn ganolog. Mae'r 'Model Cymorth' 18 mis yn cefnogi cofrestrwyr newydd a fferyllwyr-ragnodwyr annibynnol ar ddechrau eu gyrfaoedd i ddatblygu'r wybodaeth, y sgiliau a'r ymddygiad, i ymarfer yn hyderus mewn unrhyw sector, ar lefel gyffredinol Sylfaen Ôl-gofrestru. Mae'n darparu amser datblygu gwarchodedig i fagu hyder a chymhwysedd yn ymarferol, y tu hwnt i'r hyn sy'n ofynnol ar gyfer cofrestru fel fferyllydd, gyda chefnogaeth gan ymarferwyr profiadol. Yn ogystal, mae'r 'Model Cymorth' yn hwyluso'r cyfle i ddatblygu e-Bortffolio sy'n gweithio tuag at gyflawni cymhwyster 'Gwell' y Gymdeithas Fferyllol Frenhinol.
Cymrodoriaeth Arweinyddiaeth Glinigol Cymru – Mae cyfleoedd datblygu yng Nghymru yn cynnwys cymryd rhan yng Nghymrodoriaeth Arweinyddiaeth Glinigol Cymru (WCLF.) Mae'r Gymrodoriaeth yn rhaglen datblygu arweinyddiaeth blwyddyn o hyd amser llawn ôl-gofrestru, ar gyfer fferyllwyr ochr yn ochr â gweithwyr gofal iechyd proffesiynol eraill. Mae'r rhaglen unigryw hon yn cynnig y cyfle i ddatblygu sgiliau arweinyddiaeth a rheoli clinigol trwy raglen academaidd ochr yn ochr â phrofiad ymarferol o gyflwyno prosiect strategol sy'n rhoi cyfle i roi'r sgiliau hynny ar waith. Nod y Gymrodoriaeth yw meithrin darpar arweinwyr clinigol y dyfodol, gan roi'r ehangder o wybodaeth, sgiliau a phrofiad iddynt sydd eu hangen i fod yn arweinwyr credadwy a dylanwadol o fewn GIG modern Cymru.
Yng Nghymru, mae trawsnewid addysg a datblygiad fferyllol wedi hen ddechrau. Rydym yn arwain y ffordd mewn ymateb i ddiwygiadau mawr y Cyngor Fferyllol Cyffredinol (GPhC), gyda modelau datblygu nodedig, gyda sicrwydd ansawdd ar gyfer fferyllwyr dan hyfforddiant, fferyllwyr sylfaen ôl-gofrestru, uwch ymarferwyr ac ymarferwyr ymgynghorol.
Fel gweithiwr fferyllol proffesiynol yng Nghymru, mae mynediad i ystod o adnoddau dysgu hunangyfeiriedig gan gynnwys pecynnau e-ddysgu, fideos, podlediadau a ‘fflach ffeithiau fferylliaeth” sydd wedi’u cynllunio i gefnogi eich ymarfer proffesiynol a’ch datblygiad proffesiynol parhaus – pob un ohonynt yn rhad ac am ddim.
"Mae’r cymorth a’r hyfforddiant a gefais ers cymhwyso wedi bod heb ei ail."
Isabel, Arweinydd Rhaglen Genedlaethol Gwasanaethau Clinigol
Mae Cymru’n genedl fach, blaengar a chyfeillgar a thrwy weithio yma gallwch ymgymryd â rolau sy’n caniatáu mynediad i’r rhai sy’n gwneud penderfyniadau allweddol, fel y gallwch chi helpu Cymru i lunio dyfodol y gwasanaethau a ddarperir gennych.
Mae swyddi fferyllwyr mewn amrywiaeth o sectorau a lefelau, ar gael ledled Cymru. Rydym yn gweld cynnydd mewn swyddi fferylliaeth newydd mewn gofal sylfaenol, gydag amrywiaeth eang o gyfleoedd mewn gofal eilaidd a llawer o rolau ysgogol mewn fferylliaeth gymunedol. Rydym hefyd yn bwriadu sicrhau y bydd pob fferyllydd mewn rolau clinigol ym mhob sector yn gallu hyfforddi a defnyddio eu sgiliau fel rhagnodwyr annibynnol, mewn lleoliadau cymunedol, practis cyffredinol a Byrddau Iechyd.
Yng Nghymru, rydym wedi cydgysylltu technoleg ar draws saith Bwrdd Iechyd cwbl integredig, sy’n golygu bod gennych fynediad at gofnodion meddygol practis cyffredinol ble bynnag yr ydych yn ymarfer. Mae hyn yn eich galluogi i weithio gyda gwybodaeth gywir a chyfredol, i ddarparu’r gofal gorau posibl.
Yng Nghymru, mae datblygiad proffesiynol parhaus wedi’i wreiddio mewn ymarfer ym mhob sector, gyda chyfleoedd a ariennir yn ganolog i’r rheini sy’n adeiladu portffolios lefel uwch ac ymgynghorol.
Bydd gennych ragolygon cyflogaeth rhagorol ar ôl i chi gymhwyso, pa bynnag sector neu rôl a ddewiswch, gan roi cyfle i chi roi eich arbenigedd ar waith. P’un a yw’n defnyddio’ch sgiliau clinigol i dderbyn atgyfeiriadau gan bractisau cyffredinol, mwynhau cydweithredu ffurfiol â gweithwyr gofal iechyd proffesiynol, neu ddefnyddio’ch sgiliau pobl i ddarparu gwasanaethau clinigol newydd, fel fferyllydd yng Nghymru. Bydd y cyfraniad sylweddol a wnewch at iechyd poblogaeth Cymru yn cael ei werthfawrogi’n fawr.
Fel fferyllydd yng Nghymru, byddwch yn gallu helpu eich technegwyr fferyllol a staff cymorth i gyrraedd eu llawn botensial, trwy eu cefnogi i wella eu hyder, eu gwybodaeth a’u sgiliau, i ymarfer yn ddiogel mewn unrhyw sector mewn gwasanaethau clinigol trwy fodilwau hyfforddiant seiliedig ar waith. Mae staff sy’n ymgymryd â rolau sydd ar frig eu cymhwysedd yn golygu y bydd gennych yr amser i wella’r gwasanaethau yr ydych yn eu darparu ac iechyd y rhai yn eich cymuned.
Darganfyddwch pam mae cymaint yn dewis hyfforddi, gweithio a byw yng Nghymru. Ewch i ein hadnoddau allanol i gael rhagor o wybodaeth.
Darganfyddwch pa gyfleoedd DPP o ansawdd uchel sydd ar gael a sut i wneud cais yma.
Mae Deoniaeth Fferylliaeth, Addysg a Gwella Iechyd Cymru (AaGIC) yn cefnogi addysg a hyfforddiant cyn cofrestru ac ôl-gofrestru ar gyfer y gweithlu fferyllol cyfan yng Nghymru.
“Mae gan Gymru hefyd ddigonedd o lefydd i fynd â’m cŵn am dro, mwynhau cefn gwlad neu ymweld â dinasoedd prysur. Yr arfordir yw fy hoff beth, gan fod gan Gymru filltiroedd a milltiroedd o draethau godidog i’w gweld, gyda digonedd o fywyd gwyllt hefyd.”
Dhimant, Fferyllydd
Am fwy o ysbrydoliaeth, porwch ein tudalen Fyw i weld pam yng Nghymru, nid yn unig rydym yn cynnig gyrfa, rydym yn cynnig ffordd o fyw.
Tudalen BywStraeon bywyd go iawn
“Mae’r rhagolygon hirdymor yng Nghymru yn wych, a byddwn yn annog unrhyw un sy’n edrych am rôl mewn gofal iechyd i ystyried y wlad hon.”
